الطريقة الصحيحة للحصول على بصل مقلي مقرررمش وطريقة حمسة البصل Hoa Kỳ

✳️ملاحظات مهمة لإعداد بصل مقلي ومقرمش وناجح: 1️⃣نختار البصل الأحمر اللي ريحته قوية ونفاذة لأن كل ماصار البصل حار يكون مقرمش أكثر. 2️⃣نقطعه جوانح رفيعة جداً والسبب علشان مايكون فيها سوائل وتصير مقرمشة بعد القلي، لو قطعتوها جوانح سميكة بعد القلي تصير رطبة وماهي مقرمشة لأن فيها سوايل ومانضيف لاطحين ولانشاء ولاملح . 3️⃣طريقة القلي الزيت يكون حار وبعد مايسخن نخلي الحرارة بين الوسط والعالي ونقلي كميات متوسطة علشان ماتنزل حرارة الزيت ويشرب البصل الزيت. 4️⃣أول مايصير لون البصل ذهبي فاتح نطلعه لأنه بيكمّل عملية الطهي بعد مانطلعه. 5️⃣بعد مانطلع البصل ونصفيه من الزيت ،نحطه على مصفاة ونبعده عن بعض علشان ماتتحمّر قطع البصل المتجمّعة زيادة،وبعدها نمده بصينية عليها ورق نشاف. 6️⃣نترك البصل بعد القلي على الصينية لمدة لاتقل عن ربع ساعة علشان يتعرّض للهواء ويقرمش زيادة. 7️⃣بعد مايبرد أوزعه بعلب صغيرة أو علبة كبيرة حسب الرغبة وأحفظه بالفريزر لمدة ثلاث شهور. ✳️طريقتي بفرزنة الكشنة😋👌🏼 ان شاءالله تلقون فيها الفائدة وتوفر عليكم الوقت والجهد وتقلل من دخولكم للمطبخ ولتعرّضكم للروايح😋.. بالنسبة لنوع البصل بالطبخ، البصل الأحمر أفضل يعطي نكهه قويه ويشيل الزفرة ويبرز نكهة الطبق. أما إذا بنطبخ جريش وشوربة أو سليق الأفضل نستخدم البصل الأبيض علشان مايتغيّر لون الأكل والطعم ما يكون لاذع وقوي. ✳️الطريقة الأساسية لعمل كشنة البصل: نجيب البصل الأحمر نقطعة قطع صغيرة ممكن باليد أو بالجهاز بس انتبهوا لايصير طحن ناعم وبعدين نضيف له زيت زيتون أو الزيت النباتي اللي قلينا فيه البصل 👌🏼ونحمسه ولانخلي النار عالية علشان مايحترق ونحرك لين يصير لون البصل شفاف وريحته حلوة نسكر النار ونخليه يبرد وبعدين نعبيه في علب صغيرة والأفضل تكون شفافة علشان يسهل علينا التعرف عليه أو أكياس صغيرة. ✳️طريقة عمل الحشو اللي فوق الرز: الحشو يستخدم فوق كبسات اللحم والدجاج أو مطبق السمك أو المربين أو الرز المشخول👌🏼 ✳️طريقته ناخذ جزء من كشنة البصل ونضيف لها جزر مبشور ونحمس بعدين نضيف ليمون أسود أو مسمنة أو كركم وممكن زعفران وكمون وقرفة وهيل ورشة ملح وسكر ، وممكن بصل مع زبيب ومكسرات وصنوبر وزركش . وممكن حمص مجروش وبازيلا مسلوقة وممكن مكعبات بطاطس مقلية يميييي خصوصاً مع الرز الأبيض النثري😋👌🏼 ونحطها بعلب تجلس ثلاثة شهور بالفريزر ماتتغير👌🏼 وممكن مانحط كشنة بس بصل جوانح وصنوبر مقلي نرش عليهم كركم وليمون أسود وكزبرة مطحونة وحطيهم فوق الرز ياسلاااام على الريحة والطعم شي لذيييذ من الآآآخر 👌🏼👌🏼😋 ✳️وقت وضع الحشو👍🏼 الله يسلمكم ياجميلاتي بعد ماينشف الرز حطي الحشو فوقه وغطي القدر عشر دقايق وبعدين وقت الغرف اجمعي الحشو وحطيه بصحن على جنب وبعد ماتغرفين الرز حطيه فوقه واستمتعي بألذ كبسة😋 وممكن تقطعين بصلة نية قطع صغيرة مع ليمون أسود مطحون واحفري حفرة وسط الرز وحطيها 👌🏼تعااالي شمي ريحة الرز 😩❤️❤️ #مفرزنات_مشاعل_الطريفي #حمسات_مشاعل_الطريفي #مفرزنات #مفرزناتي

Category